【12月13-14日雙子座流星雨！】
今年香港最佳觀賞雙子座流星雨嘅時間為12月13日晚上9時至12月14日凌晨6時以及12月14日晚上9時至12月15日凌晨6時。
根據天文台建議，想觀賞到流星雨，就要去遠離市區、較暗而視野廣闊及光害低的郊區...
位於長洲西端嘅西園背山面海，加上當晚會張所有非必要光源關閉，想搵個舒適嘅大草地睇星梗係要嚟西園啦！
上年有嚟嘅朋友都睇得好開心，每次見到流星仲全場一齊嘩嘩聲，唔想今年book唔到營就要快人一步喇！
為方便營友入住，12月13及14日當天更會作出特別安排：
- 前台及商店營業時間將延長至晚上11時
- 最遲Check in時延遲到晚上10點30分。
咁就可以放工食埋飯再入場啦～
為咗讓大家可以喺一個舒適寧靜嘅環境下觀賞流星雨，以下係13日及14日前台及商店營業時間安排同埋流星雨嘅幾點觀星禮儀，
希望大家可以互相配合，共同製造理想嘅觀星環境。
觀星禮儀及注意事項
1. 請勿使用電筒照向他人眼睛、相機或望遠鏡。強光會使人感到不適，以至看不到較暗的星體，亦會影響他人拍攝。
2. 觀星時請使用紅光電筒照明。人眼對紅光比較不敏感，在不明亮的紅光下瞳孔仍會保持擴張。我們建議客人自攜電筒，並用紅色玻璃紙覆蓋電筒，令電筒發出紅光。
3. 拍攝時請勿使用閃光燈，夜空中較暗的星體需要以長時間曝光來拍攝，使用閃光燈不單無效同時亦會影響他人觀賞流星雨。
4. 注意聲浪，請勿喧嘩。流星劃過時會也許讓大家歡呼起來，但請注意聊天聲浪，以免影響他人觀賞流星。
5. 請保持地方清潔，請把垃圾丟進垃圾筒或放入分類回收箱。